सरसों दा साग
साहित्य :
सरसोंच्या दोन जुड्या
पालकाची एक जुडी
शेपूची अर्धी जुडी
सलगम एक
टोमॅटो दोन मोठे
कांदे दोन मध्यम आकाराचे
हिरव्या मिरच्या दोन
आलं एक इंच
लसणीच्या पाकळ्या दहा-बारा
मक्याचं पीठ सहा चमचे
तूप चार चमचे
तिखट अर्धा चमचा
मीठ
जिरे एक चमचा
हिंग चिमूटभर
लोणी दोन चमचे
कृती :
तीनही पालेभाज्यांची पानं खुड चिरून घ्यावीत.
चिरलेल्या भाज्या, सलगम, कांदे, टोमॅटो, मिरच्या, आलं-लसूण सर्व चिरून कुकरमध्ये घालावं.
प्रेशर येऊन एक शिट्टी वाजली की मंद आचेवर सात मिनिटं भाजी शिजू द्यावी. शिजल्यावर घोटून घ्यावी.
मंद आचेवर झाकण न ठेवता शिजू द्यावी. मक्याच्या पीठात आधी मीठ घालून, मग ते भाजीला पेरून लावावं.
तूप गरम करून हिंग, जिरं व तिखट घालून हा तडका भाजीवर ओतावा.
वरून लोणी घालावं. मक्याच्या रोटी बरोबर गरम वाढावी.
Leave a Reply