खान्देशी खिचडी
साहित्य :
दोन वाट्या तांदूळ,
एक वाटी तुरीची डाळ
तेल
मोहरी
हिंग
तिखट
मीठ
पाव वाटी बारीक चिरलेला लसूण
अर्धी वाटी तेल
पाव वाटी सुक्या मिरच्यांचे तुकडे.
कृती :
डाळ-तांदूळ एकत्र धुऊन ठेवावे.
सहा वाट्या पाणी उकळत ठेवावं.
एका जाड बुडाच्या भांड्यात थोडं तेल तापवून मोहरी, हिंग आणि तिखट घालून त्यावर डाळ-तांदूळ परतावे.
चवीनुसार मीठ आणि जरुरीनुसार पाणी घालून खिचडी मऊ शिजवावी.
अर्धी वाटी तेल तापवून त्यात लसूण आणि मिरच्या कुरकुरीत तळाव्या.
खिचडी वाढल्यावर त्यावर ही लसूण-मिरच्यांची फोडणी घालावी.
ज्यांना जास्त तिखट आवडतं ते त्यात मिरच्या कुस्करून खाऊ शकतात.
Leave a Reply