गाजर हलवा
साहित्य :
गाजर एक किलो
साखर दोन वाट्या
तूप वाटीभर
दूध एक लिटर
काजू बदामांचे तुकडे अर्धी वाटी
बेदाणे दहा पंधरा
पाच वेलदोड्यांची पूड
कृती :
गाजरं धुऊन सालं काढून किसून घ्यावीत.
गाजराचा कीस व दूध मिसळून मंद आचेवर शिजत ठेवावं.
दूध आटलं की साखर घालून हलवत राहावं.
साखर विरघळली की कोरडं होईपर्यंत परतत राहावं.
कोरडं झाल्यावर मग तूप व वेलदोड्यांची पूड घालावी आणि आणखी पाच-दहा मिनिटं ढवळावं.
हवा असल्यास अर्धी वाटी कुस्करलेला खवाही तुपाबरोबर घालावा.
वाढायच्या भांड्यात काढून वरून काजू-बदाम-बेदाणे पसरावे. गरम खायला द्यावा.
Leave a Reply