दुधीभोपळ्याची खीर

साहित्य :

एक लिटर दूध

अर्धा किलो दुधीभोपळा

एक वाटी साखर

तांदळाची पिठी अगर कॉर्नफ्लोअर पाव वाटी

किंचित मीठ

चारोळी

तूप

सात-आठ वेलदोडे

कृती :

दुधीभोपळा किसून, तो तुपावर मऊ होईपर्यंत परतून घ्यावा

चवीला किंचित मीठ टाकून, त्यावर दूध घालून, तो कीस दुधात शिजवावा.

दुधाला उकळी आल्यावर त्याला तांदळाची पिठी अगर कॉर्न-फ्लोअर लावावे

नंतर थोडे शिजवून, खाली उतरवून, त्यात साखर व वेलदोड्याची पूड घालावी आणि चांगले ढवळावे

वर चारोळ्या पसराव्या.

तयार आहे झटपट बनणारा गोड पदार्थ दुधीभोपळ्याची खीर.