दाल तडका

दाल तडका 

साहित्य:

तूर डाळ एक वाटी

मीठ

कांदा एक मोठा

मध्यम आकाराचा टोमॅटो

तिखट अर्धा चमचा

हळद पाव चमचा

लवंगा दोन-तीन

दालचिनी अर्धा इंच

तेल तीन चमचे

जिरे एक चमचा

हिंग चिमूटभर

चिरलेली कोथिंबीर

 

कृती: डाळ स्वच्छ धुवून दोन वाट्या पाण्यात भिजवावी. मग पाणी न निथळता, डाळीत मीठ, हळद, लवंगा, दालचिनी घालावी.

 

प्रेशर कुकरमध्ये शिजायला ठेवावी. शिट्टी झाल्यावर गॅस मंद करून तीन मिनिटं शिजू द्यावी.

 

तेल गरम करून त्यात हिंग व जिरं घालावं. मग कांदा घालून तांबूस होईपर्यंत परतावा. मग टोमॅटो घालून तो मऊ होईपर्यंत परतावं. तिखट घालावं. शिजलेल्या डाळीवर हा गरम तडका ओतावा. वाढण्याआधी वरून कोथिंबीर घालावी.