अळूची भाजी

अळूची भाजी

साहित्य :

अळूच्या चार गड्या

चुका एक गड्डी

मुळा

खोबऱ्याचे काप पाव वाटी

काजूचे तुकडे पाव वाटी

शेंगाचे दाणे पाव वाटी

चण्याची डाळ अर्धी मूठ

दहा-बारा हिरव्या मिरच्या

चिंच

तीन चमचे काळा (गोडा) मसाला

एक चमचा मेथ्या

कोथिंबीर

दोन ते तीन चमचे डाळीचे पीठ

मीठ

फोडणीचे साहित्य

जिरे

सुके खोबरे

कृती :

अळू स्वच्छ धुऊन व देठ सोलून चिरावे. चुका धुऊन चिरावा.

मुळ्याचे काप करावेत.

चण्याची डाळ व शेंगाचे दाणे भिजत घालावेत.

थोडेसे तेल घालून त्यावर अळू टाकावे.

दोन-तीन वाफा आल्यावर अळू घोटावे व त्यात डाळ व दाणे घालावेत.

चांगले शिजल्यावर त्यात मुळ्याचे काप घालावेत. चिंच कोळून घालावी.

आपल्या अंदाजाने पाणी घालावे.

मीठ, काळा (गोडा) मसाला, काजूचे तुकडे व खोबऱ्याचे काप घालावेत.

नंतर चण्याचे पीठ पाण्यात कालवून लावावे व भाजी चांगली शिजवावी

नंतर मेथ्या, मिरच्यांचे तुकडे व जरा जास्त हिंग घालून फोडणी करावी व ती भाजीला द्यावी.

जिरे व सुके खोबरे भाजून, बारीक कुटून घालावे व कोथिंबीर घालावी.